Fysioterapigruppa

Ved klinikken møter du fysioterapeutar med brei erfaring frå kommunehelsetenesta, spesialisthelsetenesta, rehabiliteringsmiljø og privat praksis. Vi tilbyr undersøking, behandling og opptrening for eit breitt spekter av plager og diagnosar hos ungdom og vaksne, og tek imot både muskel- og skjelettplager, nevrologiske tilstandar, samansette funksjonsutfordringar og meir.

Fysioterapi handlar ikkje berre om å redusere smerter, men òg om å betre funksjon, meistring og deltaking i kvardagen. Mange plager heng saman med belastning over tid, sjukdom, skade, redusert kapasitet eller periodar med stress og inaktivitet. Gjennom grundig kartlegging og individuelt tilpassa oppfølging ønskjer vi å hjelpe pasienten til å forstå eigne plager og finne tiltak som kan bidra til varig betring.

Behandlinga kan bestå av rettleiing, øvingar, styrketrening, balansetrening, koordinasjons- og funksjonsretta opptrening, belastningsstyring, manuelle teknikkar, gradvis tilbakeføring til aktivitet og kvardagsfunksjon, og liknande tiltak tilpassa den enkelte sine behov og mål. Vi arbeider med både akutte og langvarige plager, belastningsrelaterte problemstillingar, idrettsskadar, postoperative forløp, nevrologisk rehabilitering og oppfølging etter sjukdom eller skade.

Ved klinikken tilbyr vi òg psykomotorisk fysioterapi. Psykomotorisk fysioterapi tek utgangspunkt i samanhengen mellom kropp, belastningar, kjensler og livserfaringar. Stress, langvarige belastningar og traumatiske opplevingar kan påverke pust, spenningsnivå, søvn, smerteoppleving og korleis kroppen fungerer i kvardagen.

Gjennom psykomotorisk fysioterapi arbeider ein med å auke medvitet rundt eigne spenningsmønster og reaksjonar i kroppen, samt utvikle betre regulering og meistring over tid. Behandlinga kan mellom anna omfatte samtale, pust, avspenning, kroppsmedvit og varsam manuell behandling. Målet er å bidra til betre funksjon, auka tryggleik i eigen kropp og større forståing av samanhengen mellom kropp og belastning.

Vi legg vekt på god kommunikasjon, trygg oppfølging og eit samarbeid der pasienten er ein aktiv deltakar i eige behandlingsforløp. Målet er å finne ei tilnærming som er tilpassa den enkelte sine behov, mål og føresetnader — enten det gjeld smerter, funksjonsutfordringar, rehabilitering eller førebygging.

PS: Kansellering eller flytting av timar må skje seinast 24 timar før avtalt time. Ved seinare avbestilling eller manglande oppmøte må timen betalast i sin heilskap (eigendel + HELFO-andel), då timen ikkje kan nyttast av andre pasientar på så kort varsel.

Her finn du oss

Fysioterapigruppa har kontor i 3.etasje
Inngang øst

Fysioterapigruppa

Adresse: Hans Blomgt 39, 6900 Florø
Opningstider: 08:00-16:00

Kontaktinformasjon:
Yngve Grøneng Havn tlf. 901 93 890
Sindre Overskeid tlf. 911 24 462
Sara Steine tlf. 913 21 742
Margrete Dyrli tlf. 911 57 165